Thursday, September 9, 2010
നീലകൊടുവേലി
പണ്ട് ചെറിയ പ്രായത്തില് പറഞ്ഞു കേട്ട ഒരു 'മിത്ത്' ആണ് ഈ നീലകൊടുവേലി. മധ്യ തിരുവിതാംകൂര് ആയതിനാല് ആകണം എല്ലാ കഥകളും വെള്ളപ്പൊക്കവും ആയി ബന്ധപ്പെട്ടിരിക്കും. നീല കൊടുവേലിയും വെള്ളപ്പൊക്കത്തില് ആണ് ഒലിച്ചു വരുന്നത്. ഏതോ അപൂര്വമായ ഒരു മരത്തിന്റെ വേര് ആണ് ഈ സാധനം....! നീല കൊടുവേലി അന്വേഷിച്ചു പോയവര് ആരും അത് കണ്ടെത്തിയിട്ടില്ല.....നീല കൊടുവേലി നിങ്ങളെ തേടി വരും...അങ്ങനെയാണ് അതിന്റെ ഇത്..യേത്. നീല കൊടുവേലി കയ്യില് വന്നാല് പിന്നെ സര്വഐശ്വര്യങ്ങളും കയ്യില് വരും എന്നാണു കഥ. നെല്ലറ ആയ കുട്ടനാടിന്റെ കഥ ആയതിനാല്, നെല്ല് ആണ് ഐശ്വര്യത്തിന്റെ പ്രതീകമായി കയ്യില് വരുന്നതായി പറയപ്പെടുന്നത്. നീല കൊടുവേലി പത്തായത്തില് വച്ചാല്, പത്തായം പിന്നെ അക്ഷയ പാത്രം പോലെ ആകുമത്രേ. എടുത്താലും എടുത്താലും തീരാത്ത അത്ര നെല്ല് ! നീല കൊടുവീലി സ്വര്ണം കെട്ടി കെടാവിളക്കിന്റെ മുന്നില് വച്ച് പ്രാര്ഥിക്കണം എന്നാലെ കാര്യം നടക്കു. എന്തായാലും വളരെ ചെറിയ പ്രായത്തിലേ പലതവണ കേട്ടതിനാല്, നല്ല പ്രായം ആകുന്നതു വരെ ഞാന് ഇത് വിശ്വസിച്ചു. പല ദിവാ സ്വപ്നങ്ങളും കണ്ടു. ഞാന് വെള്ളപ്പൊക്കത്തില് വള്ളത്തില് പോകുന്നതായും, നീല കൊടുവേലി ഒഴുകിവരുന്നതായും, അതെടുത്തു വച്ച് ഞാന് ഭയങ്കര കാശുകാരന് ആകുന്നാതായും ഒക്കെ സ്വപ്നം കണ്ടു. പിന്നെ വളര്ന്നപ്പോള് അതൊക്കെ ഒരു തമാശ ആയി തോന്നി എങ്കിലും, ഒരു 'ഉട്ടോപ്യന്' ഉപമയായി ഇപ്പോഴും ആ സ്വപ്നം ഞാന് ഓര്ക്കാറുണ്ട്. Background noise എഴുത്തിനു അനുയോജ്യംഅല്ലാത്തതിനാല് നിര്ത്തുന്നു. അപ്പൊ അടുത്ത കഥവരെ 'ഗുഡ് ബൈ'.
Subscribe to:
Post Comments (Atom)
How did ever manage to write all this in malayalam???
ReplyDeleteyea.. put it in english..!
ReplyDeleteമലയാളത്തില് എഴുതുന്നതാണ് ഒരു സുഖം.....വെറുതെ വല്ലവന്റെയും ഭാഷയില് എഴുതി വിഷമിക്കണ്ട കാര്യം ഉണ്ടോ!
ReplyDelete